ປະກັນໄພການບິນ
ທ່ານພ້ອມບິນດ້ວຍຄວາມໝັ້ນໃຈ: ດ້ວຍການຄຸ້ມຄອງແບບຮອບດ້ານທີ່ສາມາດປັບປ່ຽນໄດ້ຕາມສະແສນິຍົມຂອງໂລກ
ທ່ານພ້ອມບິນດ້ວຍຄວາມໝັ້ນໃຈ: ດ້ວຍການຄຸ້ມຄອງແບບຮອບດ້ານທີ່ສາມາດປັບປ່ຽນໄດ້ຕາມສະແສນິຍົມຂອງໂລກ
ປະກັນໄພການບິນ ແມ່ນມີຫຼາຍກວ່າການປະກັນໄພເຮືອບິນ, ຜູ້ໂດຍສານ ແລະ ລູກເຮືອໃນຖ້ຽວບິນ ຊຶ່ງຄຸ້ມຄອງເອົາ ທຸລະກິດຫຼາຍປະເພດທີ່ກ່ຽວຂ້ອງເຊັ່ນ: ສະຫນາມບິນ, ຜູ້ໃຫ້ບໍລິການສາຍການບິນ, ຜູ້ໃຫ້ບໍລິການການບິນທົ່ວໄປ, ຜູ້ໃຫ້ບໍລິການເຮລິຄອບເຕີ, ຜູ້ໃຫ້ບໍລິການເຮືອບິນບໍ່ມີຄົນຂັບ (drone) ແລະອື່ນໆ.
ປະກັນໄພການບິນຂອງ ຟໍເຕ ປະກອບມີ: ເຮືອບິນ ແລະ ຄວາມຮັບຜິດຊອບ, ຄວາມຮັບຜິດຊອບຂອງສະໜາມບິນ, ຄວາມຮັບຜິດຊອບທົ່ວໄປສໍາລັບຜູ້ຄວບຄຸມພາກພື້ນດິນ, ຄວາມຮັບຜິດຊອບຂອງສະຖານທີ່ສໍາລັບທຸລະກິດໃນສະຫນາມບິນ, ພ້ອມທັງການຄຸ້ມຄອງລໍາເຮືອບິນ ແລະ ຄວາມຮັບຜິດຊອບສໍາລັບ ເຮືອບິນບໍ່ມີຄົນຂັບ (drone) ແລະ ລະບົບການບິນບໍ່ມີຄົນຂັບ (UAS).
ທີມງານປະກັນໄພການບິນຂອງພວກເຮົາໄດ້ເຮັດວຽກຢ່າງໃກ້ຊິດກັບ ນາຍຫນ້າຊັ້ນນໍາໃນ ລອດດອນ ເຊັ່ນ Lloyds ເພື່ອໃຫ້ທັນກັບກະແສນິຍົມຂອງໂລກໃນປະຈຸບັນ. ດ້ວຍເຫດນີ້, ເຮົາຈຶ່ງສາມາດຊ່ວຍໃຫ້ທ່ານໄດ້ຮັບການບໍລິການແບບຄົບວົງຈອນ ເພື່ອຕອບສະໜອງຕາມຄວາມຕ້ອງການ ແລະ ຂໍ້ກຳນົດທາງກົດໝາຍຂອງເຈົ້າໜ້າທີ່ການບິນ ເພື່ອໃຫ້ທ່ານພ້ອມອອກບິນດ້ວຍຄວາມໝັ້ນໃຈ.
ພວກເຮົາໃຫ້ການຄຸ້ມຄອງຕະຫຼາດການບິນທົ່ວໄປ, ລວມທັງສາຍການບິນ ແລະ ສະຫນາມບິນ:
ທີມງານ ແລະ ທະນາຍຄວາມທີ່ມີປະສົບການຂອງພວກເຮົາຈາກອຸດສາຫະກໍາການບິນ ແມ່ນໄດ້ຮັບການແຕ່ງຕັ້ງໄວ້ລ່ວງໜ້າ ຕັ້ງແຕ່ມື້ເຮັດການປະກັນໄພ ຊຶ່ງເຮັດໃຫ້ຂະບວນການຮຽກຮ້ອງສິນທົດແທນຄືນວ່ອງໄວຂຶ້ນ, ມີປະສິດທິພາບ ແລະ ເປັນມືອາຊີບຫຼາຍຂຶ້ນ.
ທ່ານພຽງແຕ່ຕ້ອງແຈ້ງໃຫ້ພວກເຮົາຮັບຮູ້ຢ່າງທັນທີ ແລະ ທີມງານຂອງພວກເຮົາຈະຕິດຕໍ່ກັບພະນັກງານແກ້ໄຂ ແລະ ທະນາຍຄວາມທີ່ຖືກແຕ່ງຕັ້ງທັນທີ.
ກະລຸນາຮັບຮູ້ໄວ້ວ່າ ຫ້າມຍອມຄວາມ ຫຼື ຍອມຮັບສັນຍາໃດໜຶ່ງ ໂດຍບໍ່ມີການເຫັນດີຈາກທາງບໍລິສັດຢ່າງເປັນລາຍລັກອັກສອນ.
