ປະກັນໄພ ການຂົນສົ່ງທາງທະເລ
ການຄຸ້ມຄອງສາມາດປັບປ່ຽນໄດ້ຕາມຄວາມຕ້ອງການ ແລະ ແກ້ໄຂຢ່າງທັນເວລາ ໃນ 170 ປະເທດທົ່ວໂລກ
ການຄຸ້ມຄອງສາມາດປັບປ່ຽນໄດ້ຕາມຄວາມຕ້ອງການ ແລະ ແກ້ໄຂຢ່າງທັນເວລາ ໃນ 170 ປະເທດທົ່ວໂລກ
ການຂົນສົ່ງສິນຄ້າ ແມ່ນການຜະເຊີນໜ້າກັບໄພອັນຕະລາຍທີ່ບໍ່ສາມາດຄາດເດົາໄດ້ ແລະ ການປ່ຽນແປງຂອງຕະຫຼາດໄລຍະການເດີນທາງ ຈາກໂຮງງານໄປຫາປາຍທາງສຸດທ້າຍ, ລວມທັງເວລາທີ່ຕ້ອງຈອດຖ້າຢູ່ທ່າເຮືອ!
ຟໍເຕ ສາມາດໃຫ້ການຄຸ້ມຄອງທີ່ເໝາະສົມກັບຕ້ອງການ, ປະເພດຂອງສິນຄ້າ, ຈຸດໝາຍປາຍທາງ, ພ້ອມທັງ ຮູບແບບການຂົນສົ່ງທີ່ຕອບໂຈດກັບທຸລະກິດຂອງທ່ານ ທີມງານປະກັນໄພທີ່ມີປະສົບການຂອງພວກເຮົາ ເຂົ້າໃຈດີວ່າທຸລະກິດຂອງທ່ານມີເອກະລັກສະເພາະ.
ປະກັນໄພຂອງພວກເຮົາ ຈ່າຍຄ່າຊົດເຊີຍຕໍ່ການສູນເສຍ ຫຼື ຄວາມເສຍຫາຍທີ່ເກີດຈາກ ຂໍ້ຫຍຸ້ງຍາກຕ່າງໆໃນລະຫວ່າງການຂົນສົ່ງ ລວມທັງອັກຄີໄພ, ການລັກຊັບ, ການລະເບີດ, ເຮືອຕິດແຄມຝັ່ງ, ການຈອດເຮືອເກີນຂື້ນຝັ່ງ, ການຈົມລົງ, ການໂຍນສິ່ງຂອງອອກຈາກເຮືອ, ການປີ້້ນຂອງພາຫະນາຂົນສົ່ງ ແລະ ໄພພິບັດທາງທໍາມະຊາດເຊັ່ນ: ແຜ່ນດິນໄຫວ, ການລະເບີດຂອງພູເຂົາໄຟ, ຟ້າຜ່າ ແລະ ອື່ນໆ.
ດ້ວຍເຄືອຂ່າຍທົ່ວໂລກຂອງພວກເຮົາທີ່ມີຫຼາຍກວ່າ 260 ຕົວແທນ ມາຮອດປັດຈຸບັນ ເຮັດໃຫ້ພວກເຮົາແກ້ໄຂຢ່າງທັນເວລາຕໍ່ກັບການຮຽກຮ້ອງຂໍສິນທົດແທນ ເຊິ່ງກວມເອົາຫຼາຍກວ່າ 170 ປະເທດທົ່ວໂລກ. ຍ້ອນຄວາມເປັນມືອາຊີບ ແລະ ຄວາມຊໍານານຂອງເຄືອຂ່າຍຂອງພວກເຮົາ ບວກກັບປະສົບການດ້ານປະກັນໄພຂອງພວກເຮົາ ເຮັດໃຫ້ເຮົາສາມາດສະໜອງການຄຸ້ມຄອງປະກັນໄພທີ່ດີທີ່ສຸດ ແລະ ການບໍລິການຮຽກຮ້ອງຂໍສິນທົດແທນທີ່ໜ້າເຊື່ອຖືຫຼາຍທີ່ສຸດໃນຕະຫຼາດ.
ການປະກັນໄພນີ້ ແມ່ນຄຸ້ມຄອງຄວາມສ່ຽງຂອງການສູນເສຍ, ຄວາມເສຍຫາຍ ຫຼື ຄ່າໃຊ້ຈ່າຍຕໍ່ສິນຄ້າໃນລະຫວ່າງການຂົນສົ່ງທາງທະເລ, ທາງອາກາດ, ລົດໄຟ ຫຼື ເທິງທ້ອງຖະໜົນ ຈາກສະຖານທີ່ໜື່ງໄປອີກບ່ອນໜຶ່ງ ຂອງທຸກບ່ອນໃນໂລກ. ການຄຸ້ມຄອງ ແມ່ນສົ່ງຜົນຕໍ່ "ການເດີນທາງ" ເຊັ່ນ: ຕັ້ງແຕ່ເວລາທີ່ສິນຄ້າອອກຈາກສະຖານທີ່ຂອງຜູ້ຂາຍ ຈົນເຖິງເວລາທີ່ສິນຄ້າມາຮອດສະຖານທີ່ຂອງຜູ້ຊື້. ປະກັນໄພນີ້ ສາມາດຊື້ໄດ້ໂດຍຜູ້ຊື້ ຫຼື ຜູ້ຂາຍ ຂຶ້ນກັບສັນຍາການຄ້າຂາຍລະຫວ່າງສອງຝ່າຍ.
ການປະກັນໄພສິນຄ້າທາງທະເລຂອງ ບໍລິສັດ ຟໍເຕ ແມ່ນຄຸ້ມຄອງສິນຄ້າຂອງທ່ານຕາມຂໍ້ກຳນົດຂອງສະຖາບັນທີ່ໃຊ້ໃນທົ່ວໂລກລວມທັງ Institute Cargo Clause A, Institute Cargo Clause B ແລະ Institute Cargo Clause C ສໍາລັບການເດີນທາງທະເລ ແລະ Institute Cargo Clause Air ສໍາລັບການຂົນສົ່ງທາງອາກາດ.
ນອກຈາກນັ້ນ, ທ່ານຍັງສາມາດເລືອກທີ່ຈະຂະຫຍາຍການປະກັນໄພຂອງທ່ານ ໂດຍກວມເອົາການຄຸ້ມຄອງຈາກ ສົງຄາມ ແລະ ການນັດປະທ້ວງແຮງງານສໍາລັບການຂົນສົ່ງທາງທະເລ.
ສອບຖາມເພີ່ມເຕີມໄດ້ທີ່ເບີ (+856) 20 2888 5556 ຫຼື (+856) 20 5456 8656 ຫຼື ຕິດຕໍ່ທີມງານຂອງພວກເຮົາໄດ້ທີ່ info@fortelaos.com.
